8M, DÍA INTERNACIONAL DA MULLER

Para conmemorar este día, recuperamos un vídeo de 2011 sobre mulleres deportistas.
Moitas grazas por perseverar avanzando cara á igualdade no deporte!

RESUMO SEMANAL DOS TORNEOS

TENIS DE MESA

Esta semana xogánronse os oitavos de final de tenis de mesa, que xa eran eliminatorios. Conseguiron clasificarse para a seguinte rolda: Marcos, Rubén A., Anxo, David P., Dani, Rubén F., Hugo R. e Hugo C.

BALONCESTO

Xogouse a primeira semifinal entre os Ángeles Lagers (9 puntos) e os Denver Nuggets de Polo (14 puntos). Os Denver conseguiron clasificarse para a final.

Equipo dos Denver Nuggets de Polo

Equipo dos Ángeles Lagers 

DODGEBALL

O Nottinghan Prisas (Leticia, Hugo C. Silvia, Nerea e Carlota) conseguiu o 5º posto despois de vencer ao Rápido Pontequieto (Jorge, Ana, Xoel, Antía e Paula) nun partido moi igualado ata o final e con baixas dalgúns xogadores e xogadoras.

PREMIO NO ENTROIDO DE FRADES 2020!

Noraboa! O alumnado de 4ºESO gañou un premio no concurso de disfraces do Concello de Frades 2020! Os cartos serán destinados á excursión de fin de curso e etapa que van realizar en próximas datas.

QUE BEN O PASAMOS NO ENTROIDO!

Como este ano a temática era "A granxa", o alumnado de secundaria decidiu disfrazarse de alimañas varias porque, que é unha granxa sen raposos, xabarís, velutinas e veterinarios?

Ademais, cada curso fixo unha coreografía para celebrar o Entroido. Desculpade os pequenos erros, estabamos moi nerviosos con tanto público... O importante é o esforzo e a ilusión de todos eles! Esperamos que vos guste!

O grupo de 1º bailou a Muiñeira de Chantada.

  

 

O grupo de 2º bailou unha danza tradicional de E.E.U.U., Oh Susanna!

      

O grupo de 3º bailou un cha-cha-chá.

E o grupo de 4º rapeou o Rap das Velutinas e logo bailou unha coreo de hiphop.

CALENDARIOS DAS FASES FINAIS DOS TORNEOS

Aquí tes os calendarios das fases finais de cada torneo.

SEGUIMOS COS TORNEOS DOS RECREOS!!!

O alumnado de secundaria continua cos torneos do recreos. Este trimestre xogamos a tenis de mesa, baloncesto 4 x 4 e dodgeball.
A competición é mixta e, de momento, moi emocionante. Quen gañará?

CAMPO A TRAVÉS FASE ZONAL SANTIAGO DE COMPOSTELA

Non nos acompañou o tempo este sábado pola mañá pero, como en anos anteriores os resultados non poideron ser mellores. Todos/as pasaron a seguinte proba. Bruno, Natalia e Enma seguen na competición despois dunhas carreiras moi ben controladas. Seguide así compañeiros/as. Sodes un exemplo de constancia e esforzo para todos nós!!