DEPORTE NA PONTE: marzo 2020

1 - COLLER UNHA TAPA DUNHA CAIXA DE ZAPATOS E IR FACENDO FURADOS 2, 3 , 4, … EN FUNCIÓN DA DIFICULTADE QUE QUEIRAMOS DARLLE A ACTIVIDADE. DEIXAR 3 CENTÍMETROS ENTRE CADA FURADO (PARA O ALUMNADO DE INFANTIL PÓDENSE FACER OS FURADOS DEIXANDO MÁIS CENTÍMETROS DE SEPARACIÓN). FACER ALGÚNS FURADOS PEGADOS AO BORDE DA CAIXA.

OS FURADOS TEÑEN QUE SER O SUFICIENTEMENTE GRANDES PARA QUE A CANICA CAIA POR DENTRO DELES. PÓDESE UTILIZAR A TAPA DE CALQUER BOTE PEQUENO COMO MOLDE.

CONSELLO: FACER POUCOS FURADOS AO PRINCIPIO PORQUE O XOGO COMPLÍCASE MOITO A PARTIR DO TERCEIRO FURADO. DESPOIS IR FACENDO MÁIS PARA AUMENTAR A DIFICULTADE.

COMO XOGAR:

O XOGO CONSISTE EN FACER MOVER A CANICA OU O OBXECTO QUE SE QUEIRA O MAIOR TEMPO POSIBLE E SEN QUE CAIA POLOS FURADOS. PARA ISO SUXEITAMOS A CAIXA CAS DÚAS MANS E MANTÉMOLA NO AIRE MENTRES MOVEMOS A CANICA DENTRO DA CAIXA. O QUE CONSIGA O MAIOR TEMPO GAÑA. PODEDES XOGAR TODOS OS DA CASA!!

mércores, 25 de marzo de 2020

3ºA 6º EP: ALIMENTACIÓN AXEITADA

Nestes días nos que non podemos facer tanta actividade física é moi importante comer ben. Aquí vos van uns pequenos consellos.

PINCHA AQUÍ

3º A 6º EP - EMPEZAMOS CUNS PEQUENOS PASOS EN FAMILIA

Todos podedes facer os exercicios. Son moi doados pero, cada un ao seu ritmo.

PINCHA AQUÍ

INFANTIL E 1º-2º EP: UNHA BOA ALIEMTACIÓN PARA ESTAR SANS COMO CAMALEÓN

Nestes días na casa debemos coidar moito a alimentación xa que agora estamos máis limitados para realizar actividade física.

PINCHA AQUÍ

INFANTIL E 1º-2º EP: QUENTAMENTO BAILANDO

Para non perder fío do que fixemos ata agora podedes ver algunhas das actividades que fixemos durante o curso no noso blog.

PINCHA AQUÍ

venres, 20 de marzo de 2020

CAMPO A TRAVÉS CAMPIONATO PROVINCIAL CARBALLO

Se algo temos que salientar deste día foi a boa organización do evento. Foi un día para recordar. Moitas grazas a todos polo traballo realizado. Bruno fixo unha carreira moi boa e conseguiu un bo resultado nesta competición. Moi ben Bruno!!

As nosas compañeiras Enma e Natalia seguiron ca participación nesta competición pero no ámbito federado. Os seus resultados foron tamén moi bos xa que o nivel é cada vez máis alto a medida que se superan as probas. Para elas tamén o noso ánimo para que sigan entrenando.

domingo, 8 de marzo de 2020

8M, DÍA INTERNACIONAL DA MULLER

Para conmemorar este día, recuperamos un vídeo de 2011 sobre mulleres deportistas.
Moitas grazas por perseverar avanzando cara á igualdade no deporte!

RESUMO SEMANAL DOS TORNEOS

TENIS DE MESA

Esta semana xogánronse os oitavos de final de tenis de mesa, que xa eran eliminatorios. Conseguiron clasificarse para a seguinte rolda: Marcos, Rubén A., Anxo, David P., Dani, Rubén F., Hugo R. e Hugo C.

BALONCESTO

Xogouse a primeira semifinal entre os Ángeles Lagers (9 puntos) e os Denver Nuggets de Polo (14 puntos). Os Denver conseguiron clasificarse para a final.

Equipo dos Denver Nuggets de Polo

Equipo dos Ángeles Lagers

DODGEBALL

O Nottinghan Prisas (Leticia, Hugo C. Silvia, Nerea e Carlota) conseguiu o 5º posto despois de vencer ao Rápido Pontequieto (Jorge, Ana, Xoel, Antía e Paula) nun partido moi igualado ata o final e con baixas dalgúns xogadores e xogadoras.

luns, 2 de marzo de 2020

PREMIO NO ENTROIDO DE FRADES 2020!

Noraboa! O alumnado de 4ºESO gañou un premio no concurso de disfraces do Concello de Frades 2020! Os cartos serán destinados á excursión de fin de curso e etapa que van realizar en próximas datas.

QUE BEN O PASAMOS NO ENTROIDO!

Como este ano a temática era "A granxa", o alumnado de secundaria decidiu disfrazarse de alimañas varias porque, que é unha granxa sen raposos, xabarís, velutinas e veterinarios?

Ademais, cada curso fixo unha coreografía para celebrar o Entroido. Desculpade os pequenos erros, estabamos moi nerviosos con tanto público... O importante é o esforzo e a ilusión de todos eles! Esperamos que vos guste!

O grupo de 1º bailou a Muiñeira de Chantada.

O grupo de 2º bailou unha danza tradicional de E.E.U.U., Oh Susanna!

O grupo de 3º bailou un cha-cha-chá.

E o grupo de 4º rapeou o Rap das Velutinas e logo bailou unha coreo de hiphop.